الجواز العرفى
مشكله الجواز العرفى وكمان تغيير وجهات النظر
ايوه احنا شعب بيتحايل على كل حاجه
وسهل جدا نغير وجهات نظرنا
وانا صغيره اوى فى 1998كان الجواز العرفى حرام حاليا بقى مباح وعادى
الضرورات تبيح المحظورات
المشكله بقى تكمن فى ايه هنا
احنا عارفين ان تقريبا سن الزواج فى مصر تقريبا 18 سنه
يجى عريس محترم لواحده وهيا لسه مكملتش السن ده ومش اصغر كتير
ربنا ادانا عقل اننا نخطبها السنه ولا الاتنين دول لغايه متكمل المده وده اضمن
المشكله بقى ان الاهل ببقو مستعجلين ويجوزوها عرفى
فيه ناس بتاخد على العريس شيكات لضمان حق العروسه
والمهم ان العند ببقى سيد المواقف العريس بيوافق على كل اللى يطلبوه
وبعد كده لا بيدفع وبيلعب فى وشهم المنقله
اولا الاسره لو اتبنت بالطريقه دى ببقى فيه عدم استقرار كتير وشك
ثانيا وده الاهم ان قبل كتب الكتاب بقى ببقى انفصلو او خلفو وهنا المشكله الحقيقيه
طيب ده فعلا مشكله بتقابل المئات يوميا ممكن نوجد لها حل يحفظ الحقوق للمراه
او على الاقل الطفل اللى اتوجد ده المفروض يبقى فيه حل له
لان فى المشاكل من النوع ده الاب بيرفض يكتب ابنه باسمه عندا فى امه
ومشاكل كتير ودوخه
وفى الاخر المفروض يبقى فيه توعيه اعلاميه للناس فى المسائل دى
يا رب اصلح الاحوال
ليست هناك تعليقات:
إرسال تعليق